21 лютага ў Нацыянальнай бібліятэцы адбылося мерапрыемства з нагоды Міжнароднага дня роднай мовы, у якім прыняў удзел у тым ліку намеснік Міністра замежных спраў Рэспублікі Беларусь Андрэй Дапкюнас. Прадстаўнікі дыпламатычнага корпуса прачыталі на роднай мове ўрыўкі з літаратурных твораў, звязаных з тэмай радзімы. Пасол Манфрэд Хутэрэр працытаваў некалькі строф з паэмы Генрыха Гейне “Германія. Зімняя казка”:

"Быў месяц хмурны тады лістапад,

Пачыналася рана  змярканне,

І вецер з дрэваў ірваў лісце,

Я ехаў дадому ў Германію.

І калі я наблізіўся да мяжы,

Пазбыўся адразу спакою,

Застукала сэрца ў маіх грудзях,

І вочы пабеглі слязою.

Калі-ж я нямецкую мову пачуў,

Не ведаю, што са мной  стала;

Здалося, няйначай, бы сэрца мае

Салодка крывею сплывала".

Германія : Зімовая казка / Г.Гейне ; Пер. з ням. М.Васілеўскай ; Рэд., прадм. і заўв. В.Вольскага. – Мн. : Дзярж. выд-ва Беларусі, 1939.