Вітаем Вас на сайтах Міністэрства замежных спраў Германіі

Германія на XXVII Мінскай міжнароднай кніжнай выставе-кірмашы

03.02.2020 - Паведамленне для прэсы

Як і на працягу папярэдніх дваццаці чатырох гадоў, у 2020 годзе Германія зноў будзе прадстаўлена на Мінскай міжнароднай кніжнай выставе-кірмашы. Пасольства Германіі ў Мінску і Інстытут імя Гётэ выставяць на сваіх стэндах кнігі з Германіі.

Як і на працягу папярэдніх дваццаці чатырох гадоў, у 2020 годзе Германія зноў будзе прадстаўлена на Мінскай міжнароднай кніжнай выставе-кірмашы. Пасольства Германіі ў Мінску і Інстытут імя Гётэ выставяць на сваіх стэндах кнігі з Германіі.

Цэнтральнае месца ў экспазіцыі Пасольства Германіі ў гэтым годзе займае літаратура для дзяцей і юнацтва. Акрамя таго, сярод больш чым 300 кніг, выстаўленых на стэндзе, будзе шырока прадстаўлена вучэбная літаратура, а таксама кнігі аб Германіі.

Асаблівасцю стэнда Пасольства Германіі з'яўляецца тое, што прадстаўленыя на ім кнігі не прадаюцца, а па традыцыі па заканчэнні выставы-кірмашу перадаюцца ў дар беларускім школам, якія на працягу ўжо многіх гадоў уносяць свой уклад у папулярызацыю і вывучэнне нямецкай мовы і культуры.

Стэнд Інстытута імя Гётэ будзе прысвечаны актуальнай падборцы новай нямецкамоўнай мастацкай літаратуры, а таксама калекцыі кніг пра сучаснае мастацтва ў Заходняй і Усходняй Германіі пасля 1945 года.

На стэндзе Інстытута імя Гётэ наведвальнікі выставы могуць атрымаць кансультацыю адносна моўных курсаў і даведацца, якую літаратуру бібліятэка Інстытута імя Гётэ прапануе ў лічбавым фармаце, а таксама пазнаёміцца з праектам Інстытута імя Гётэ «Дыгітальны дзіцячы ўніверсітэт», прыняць удзел у інтэрактыўным ралі з выкарыстаннем мабільных тэлефонаў і шмат іншае.

Прадстаўнікі нямецкіх арганізацый у галіне культуры і адукацыі раскажуць аб сваёй дзейнасці і будуць гатовы адказаць на пытанні наведвальнікаў на стэндзе Пасольства Германіі:

06.02.2020

13.00-15.00

Цэнтральнае ўпраўленне па справах нямецкай школьнай адукацыі за мяжой (ZfA)

15.00-18.00
Гістарычная майстэрня імя Леаніда Левіна, у тым ліку:
17.00-18.00

Прэзентацыя серыі кніг «Лагер смерці Асвенцым: жывыя сведчанні Беларусі» з удзелам былога вязня Барысавай Аляксандры Васільеўны

07.02.2020
10.00-14.00
Прадстаўніцтва Германскай асацыяцыі народных універсітэтаў у Рэспубліцы Беларусь (DVV International)
14.00-19.00
Германская служба акадэмічных абменаў (DAAD)
08.02.2020
10.00-13.00
Інстытут нямецкіх і еўрапейскіх даследаванняў у Беларускім дзяржаўным універсітэце

9 лютага 2020 г. з 11.00 да 13.00 у рамках традыцыйнага Дзіцячага дня пройдзе мерапрыемства «Майструем разам!».

Дадатковая інфармацыя:

Мінская міжнародная кніжная выстава-кірмаш пройдзе ў выставачным павільёне па адрасе: пр. Пераможцаў, 14. Адкрыццё адбудзецца ў сераду, 05.02.2020 г., а 12.00 гадзіне.

Часы працы германскага стэнда:

Серада, 05.02.2020                              12.00-19.00

Чацвер-субота, 06.-08.02.2020       10.00-19.00

Нядзеля, 09.02.2020                           10.00-14.00

Падрабязнасці па спасылках:

www.minsk.diplo.de

www.facebook.com/posolstvogermaniiminsk

www.goethe.de/minsk

 

Да пачатку старонкі